НВК «Саха» «Тэтим» араадьыйатын (FM 107.1) сэтинньи 12 күнүгэр 13:03 чаастан (GMT+9) Платон Алексеевич Ойуунускай 130 төрөөбүтэ сылыгар анаммыт эфирыгар кини 1917-1923 сылларга суруйбут дневнигыттан Саха сирин биллэр артыыстара «Ааспыт күннэр-дьыллар» диэн уус-ураннаан, импровизациялаан ааҕыылара тахсыыта саҕаланыа. Уопсайа араадьыйаҕа 6 биэрии былааннанар, ол кэннэ айымньы эбии youtube уонна rutube видеохостиҥнарга киллэриллиэ.
Ааҕаллар Платон Алексеевич Ойуунускай биир дойдулаахтара: РФ үтүөлээх, СӨ норуодунай артыыһа Петр Баснаев, СӨ үтүөлээх, РФ Судаарыстыбаннай бириэмийэтин лауреата Иннокентий Луковцев, СӨ культуратын туйгуна Роман Дорофеев.
Бырайыак идиэйэтин ааптара, көҕүлээччи » Тааттавтодор» АО генеральнай директора Иван Бочонин, Бырайыак салайааччыта СӨ Ил Дарханын сүбэһитэ, «Улуу айаннар суолларынан» бырайыак салайааччыта Георгий Никонов, айар бөлөх: Михаил Эверстов, Анна Пудова, Гаврил Андросов, Валентина Бочонина, Дмитрий Никонов.
Бу улуу киһибитин аатырдар, кини олоҕун саҥа чопчуларын арыйар айымньы маннык курдук бэрт түргэнник оҥоһуллан тахсан күн сирин көрөн эрэрирэн «Саха» НКИХ» СӨ ГБУ генеральнай дириэктэригэр Олег Марковка, генеральнай дириэктэр солбуйааччытыгар Ирина Ефимоваҕа, «Саха» НКИХ» СӨ ГБУ «Тэтим» араадьыйатын дириэктэригэр Николай Бястиновка айар бөлөх аатыттан махталбытын тиэрдэбит.
Биэриилэр тахсар күннэрин, бириэмэтин уонна атын интернет платформаларга тахсыытын биһиги сайтпытыгар, телеграм-каналбытыгар киирэн билсээрин. НВК «Саха» «Тэтим» араадьыйатын быһа эфирын истэргэ бу ссылканы баттаа: https://nvk-online.ru/new/radio-tetim/.
Билиҥҥи балаһыанньанан эфирга тахсар сеткаҕа маннык киирдэ:
11.11.2023 Пятница 12:05
12.11.2023 Суббота 13:05
13.11.2023 Воскресенье13:05
14.11.2023 Понедельник 13:23
15.11.2023 Вторник 13:23
16.11.2023 Среда 13:23
17.11.2023 Четверг 13:23
Үөһээ этиллибитин курдук бу үлэни видеоподкаст быһыытынан оҥорон youtube, dzen платформаларыгар таһаарыы үлэтэ саҕаланна. Билигин дьүһүйүү бастакы чааһын бу ссылканан көрүөххүтүн сөп. Атын чаастарын бэлэм буоллулар да таһаарын иһиэхпит.
